> ## Content Index
> Fetch the complete content index at: https://interfyisa.com/llms.txt
> Use this file to discover other available public pages before exploring further.

# 20 рокӯв Steam
- URL: https://interfyisa.com/20-rokuv-steam/
- Published: 2023-09-14T13:31:38.000Z
- Updated: 2023-09-14T13:31:38.000Z
- Description: Сяточный розпродаж, ретроспектива тай задарьні сувеніры у Steam Points Shop.
- Author: Петро Біров
- Tags: Новості

20 рокӯв типирь, 12\. септембра 2003, компанія Valve запустила продукт, котрый без перебӯлшиня навхтема поміняв ґеймінґ — свӯй ціфровый бовт Steam. Вӯн посправдї учинив револуцію: ипен вдяку Steam розробникы могли ся удказати уд «патчув» тай перейти на автоматичні обновлїня через інтернет, указовати світови тай выдавати свої інді-проєкты, а бавлячі дӯстали легкый спосӯб куповати «тайтлы» у інтернетови, класти си моды тай бавити онлайн. Онь дотипирь Steam ся обстає майпопуларным ціфровым бовтом на бавкы: у його вітринах бӯлш ги 50 000 бавок, бӯлш ги 120 000 000 активных хосновачӯв каждый місяць тай за податками подакотрых жерел выд 50% до 70% ушыткых тирьхань бавок на ПК має ипен платформа Valve.

У честь уродин свої уже домак дорослої дїтины, [компанія розказала на окремӯв сторӯнцї історію Steam,](https://store.steampowered.com/sale/steam20?ref=interfyisa.com) указали знамі бавкы, выпущені каждый рӯк, тай приправили тоту хронолоґію інтересныма фактами за то, што было популарно каждый рӯк жывота йихнього бовта. Крӯм того, [на подакотрі бавкы, котрі мож назвати ветеранами Steam, дали скидкы,](https://store.steampowered.com/sale/steam20?ref=interfyisa.com) а у [Steam Points Shop мож задарь забрати](https://store.steampowered.com/points/shop/app/2598440?ref=interfyisa.com) анімовану профіловку, дві позадины на ваш профіл тай 3 анімовані налїпкы про Steam Friends & Chat.

[Steam 20th AnniversarySteam 20th Anniversary![](https://store.steampowered.com/favicon.ico)STEAM![](https://clan.akamai.steamstatic.com/images/39049601/2dcc26864d22e743532967927ae1d3da55812a10.jpg)](https://store.steampowered.com/sale/steam20?ref=interfyisa.com)