> ## Content Index
> Fetch the complete content index at: https://interfyisa.com/llms.txt
> Use this file to discover other available public pages before exploring further.

# Два рокы Інтерфийсї
- URL: https://interfyisa.com/dva-roky-interfyisi/
- Published: 2023-01-23T11:03:54.000Z
- Updated: 2023-01-23T11:03:54.000Z
- Description: Хвалиме ся: дниськы два рокы выд закладеня проєкта «Інтерфийса»!
- Author: Петро Біров
- Tags: Новості

Хочеме подяковати такой каждому, тко нас читат, діскутує у коментарьох, слїдит за нами у соціалных сїткох, дїлит ся нашыми матеріалами из свойима цімборами тай любым другым способом помагат нашому дїлу!

Сись рӯк може и не быв такый продуктивный ги першый, айбо устигли сьме направду много. Майважными моментами у жывотови Інтерфийсы за сись період мож назвати появленя вебсайта, на котрому ся типирькы публикувут ушыткі нові статї (тай на котрый перенесли сьме ушытко из катеґорій «Популарна наука» тай «Назоры»), сторӯнок у [Twitter](https://twitter.com/interfyisa?ref=interfyisa.com), [Instagram](https://instagram.com/interfyisa?ref=interfyisa.com), [Facebook](https://fb.com/interfyisa?ref=interfyisa.com).

![](https://interfyisa.com/content/images/2023/01/-----------02@2x.png)

Рӯк быв тяжкый... Його зачаток (а май точно 24\. фебруара) став ай зачатком повномасштабної російської інвазії в Украйинї — звірьського тай абсолутно негуманного у каждӯм детайлови акта над крайинов, у котрӯв жиє тай творит команда Інтерфийсы. Айбо на щастя, мы його успішно пережыли тай хочеме подяковати ушыткым, тко ся прикапчав ид оборонї Украйины — ото йихня заслуга, ож мы цїлі тай здорові.

![](https://interfyisa.com/content/images/2023/01/-----------03@2x.png)

Вебсайт [interfyisa.com](https://interfyisa.com/) за 6 місяцюв — усього-навсього пӯв рока! — нараховав 871 унікалного читателя; Telegram-канал Інтерфийсы вырӯс из 108 пӯдписникӯв до 177; наш Twitter скочив из 53 фоловерӯв до 116; сторӯнка у Instagram моментално має 30, а сторӯнка у Facebook — 7 пӯдписникӯв.

![](https://interfyisa.com/content/images/2023/01/-----------01@2x.png)

Майпопуларными статями за 2022\. рӯк стали:

[Minecraft по-русинськы — додано офіціалноє товмачіняПерва у історії бавка де си можете уключити інтерфейс по-нашому!![](https://interfyisa.com/content/images/size/w256h256/2022/07/------------5.png)ІнтерфийсаМигаль![](https://interfyisa.com/content/images/2022/10/-----------------1.jpg)](https://interfyisa.com/minecraft-po-rusinsky/)

[Інтерфийса типирькы має свӯй вебсайт!Читайте нас на interfyisa.com!![](https://interfyisa.com/content/images/size/w256h256/2022/07/------------5.png)ІнтерфийсаПетро![](https://interfyisa.com/content/images/2022/07/-------------------------------------2.png)](https://interfyisa.com/interfyisa-typyrky-maje-svuj-website/)

[Выщербленоє яйце AppleАвадь історія за тото, як Apple пробувут рїшити проблему, яку такой самі сотворили.![](https://interfyisa.com/content/images/size/w256h256/2022/07/------------5.png)ІнтерфийсаМигаль![](https://interfyisa.com/content/images/2022/09/---------1.jpg)](https://interfyisa.com/vyshcherblenoje-jajce-apple/)

> Щи раз вам дякуєме, ож исьте з нами!  
> – редакція Інтерфийсы