> ## Content Index
> Fetch the complete content index at: https://interfyisa.com/llms.txt
> Use this file to discover other available public pages before exploring further.

# Перві образчикы хмарного конзола выд Logitech G тай Tencent Games
- URL: https://interfyisa.com/pervi-obrazchyky-chmarnoho-konzola-vyd-logitech-g-tencent-games/
- Published: 2022-08-31T11:15:07.000Z
- Updated: 2022-08-31T11:15:07.000Z
- Description: Девайс розрахованый головно на бавлїня у хмарї — многого у планї жилїза выд нього чекати не треба.
- Author: Петро Біров
- Tags: Новості

На зачаткови авґуста мали сьме [анонс Logitech G,](https://blog.logitech.com/2022/08/02/logitech-g-and-tencent-games-announce-partnership-to-advance-handheld-cloud-gaming/?ref=interfyisa.com) ож они ся скапчали из китайськов Tencent Games, обы учинити портативный конзол, розрахованый головно на хмарный ґеймінґ. Типирькы [хосновач Twitter Evan Blass подїлив ся первыми фотоґрафіями](https://twitter.com/evleaks/status/1564428212821794817?ref=interfyisa.com) ворошного проєкта тых двох компаній.

![](https://interfyisa.com/content/images/2022/08/FbX3E41XoAEY3kj.jpg)

Жерело: [Evan Blass](https://twitter.com/evleaks/status/1564428212821794817?ref=interfyisa.com)

У девайса формфактор ги у Nintendo Switch, а на єдному из образчикӯв файно видко не лиш лоґотіпы Xbox, Steam, NVIDIA, Chrome, YouTube, айбо и значок Google Play, што годно значити, ож направа буде ходити на операційнӯй сістемі на основі Android, пӯдпоровати NVIDIA GeForce Now, Steam Remote Play, Xbox Cloud Gaming. Інтересно, ож значка Google Stadia не видко.

![](https://interfyisa.com/content/images/2022/08/FbX3E42XEAAaY1Z.jpg)

Жерело: [Evan Blass](https://twitter.com/evleaks/status/1564428212821794817?ref=interfyisa.com)

[Logitech G and Tencent Games Announce Partnership To Advance Handheld Cloud Gaming | logi BLOG![](https://blog.logitech.com/wp-content/uploads/2016/04/Logi-favicon_32x32_blue-1.png)logi BLOGView all posts by LOGITECH →![](https://blog.logitech.com/wp-content/themes/compasso/images/arrow-right2.gif)](https://blog.logitech.com/2022/08/02/logitech-g-and-tencent-games-announce-partnership-to-advance-handheld-cloud-gaming/?ref=interfyisa.com)

Поку ся обстає звіданя — ци найде свою авдіторію конзол, котрому треба стабілноє споєня из інтернетом, обы запускати бавкы? Многі властникы сякых портативных девайсӯв люблят їх иппен за можнӯсть узяти бавкы из собов у путь, де інтернета годно не быти.

💭

Што за йсе думаєте вы? Пишіт долӯв у коментарьох.