Фірма Microsoft признала ся, ож Xbox One не ож дуже ся продає

У первый раз за дораз 7 рокӯв у Microsoft признали ся, ож приставка PS4 выд Sony продає ся удвычі бӯлше

Фірма Microsoft признала ся, ож Xbox One не ож дуже ся продає
Образчик выд The Verge

Довгый час реалні ціфры продавань не были публичными, но типирька фірма Microsoft признала ся, ож Sony йих переганят, тай доста читаво.

Реалні дані за продажі Xbox One перестали ся появляти у фінанчных репортах Microsoft у рокови 2016, замість чого зачали указовати податкы за продажі Xbox Live. Спозад чого довгу добу не было офіціалної інформації за тото, кӯлко направду девайсӯв продало ся. Аналітикы фурт клали Microsoft на тритьоє місто, пӯсля Sony тай Nintendo. А уже дниська портал Game Luster опубликовав документ, што ся заганяв у відомство Бразілского економічного реґулатора, у котрому видиме уже даякі реалні дані.

«Фірма Sony убыйшла нас маймало у два раз у продаваньови бавковых приставок послїдньої ґенерації» – каже ся в тому документови выд Microsoft

Фірма Sony ужек нич не каже за удправліня конзолюв PS4, та можеме уповісти ож продажі ся убстали на ціфрі 117.2 міліона девайсӯв (на Мариць місяць сього року). Значит, позиравучи на исю новину выд Microsoft, рахуєме ож они продали пиля 58 міліонӯв девайсӯв  Xbox One. Исе приближно совпадат из аналізов выд копанії Ampere Analysis у рокови 2020.

Xbox Series S – надїя Microsoft догнати Sony

При тому фірма Microsoft старат ся нагнати исе продаваньом нової верзії - Xbox Series S / X. Тоты такой Ampere Analysis кажут, ож «фірма Sony закрыла гӯд 2021. из 17 міліонами проданых PS5, што лиш мало бӯлш ги у пӯвдруга раз бӯлше як Xbox Series.» Тай самі Microsoft голосят за ся, ож сут лідерами у продажах конзолюв на торгови Сїверної Америкы за три послїднї кварталы.

Хоть Xbox One не продавав ся так читаво, гикой хотїли бы Microsoft, айбо они кажут ож «набили руку» у дакотрых моментох, тай перенесут здобыті знаня у нову серію Xbox Series, гикой бавліня у розшыреньови 1440p, технолоґія VVR, бавкы у режімови 120Hz, тай много инчого, што было часточно выдтестовано на серіх Xbox One.

Сеся ушытка інформація направду выплывла спозад дебатӯв помежи компаніями Sony  тай Microsoft за покупку Activision Blizzard, што коштовало фірмі Microsoft $68.7 міліардӯв. Спорят ся главноє за права на контент бавок серії Call of Duty, пудпискы, тай другоє. В тому такой документови, што ся заганяв бразілськым відомствам, каже ся ож фірма Sony нарочно подкупом блокує права девелоперӯв додавати йих контент у Xbox Game Pass.

Жерело:

Microsoft finally admits Xbox One sales were less than half of the PS4
The first official recognition PS4 outsold Xbox One.