Intel i7-13700K досїгат 6 ҐГц
…тай гибы убиват 983 балы у CPU-Z ST тестови.
Дӯстали сьме скріншоты, котрі указувут тактову частоту процесора 5,8-6 ґіґагерц на 16-ядерному процесорови.
На первуй подобенцї указаный процесор, здобывшый 6 ҐГц из 8 P-ядрами а уключеным гібрідным режімом (завто на образкови и не є E-ядер), процесор набрав 983,3 бала у єднопоточному тестови CPU-Z, што онь выше чим у «злитого» Intel Core i9-13900K котрый робит на 5,5 ҐГц на вшыткых P-ядрах.
Выключеня P-ядер вплыват на мултіядерный тест, у котрому резултат – 7,814 балув. На скріншотови напин 1,4В, а температуры уд 25 до 37°С, што указує, же подобенка была зроблена позад теста.
Друга подобенка указує тот же процесор, айбо из уключеныма E-ядрами, котрі роблят на частотах 3,7 ҐГц, P-ядра роблят на 5,8 ҐГц. Процесор набират 947 балув у єднопоточному тестови, тай 12,896 у многопоточному. Температуры процесора туй тоже указані позад теста (28 - 38°С при напинови 1,5В). У сьому тестови ся хосновала друга плата ASUS ROG Strix Z690-A Gaming из памнятьов DDR4.
Esperonslaie опубліковав майже тот самый тест, не вшытко видко добре, айбо туй можеме увідїти температуру пуд час теста (85°С).
Жерело:
WhyCry