Інтерфийса у Кушници тай 50 тисяч грн на потребы ЗСУ!
Радо ся дїлиме з вами суперськов вістьов: из зачатка 2025. рока из продажӯв книгы «Інтерфийса: Убрані статї 2024» зобрали сьме бӯлш ги 49,491 гривню на «Рух підтримки закарпатських військових»!
Інтерфийса
Ид сюв сумі ся читаво дӯклала наша недавня презентація у рӯдному селови єдного из авторӯв, Мигаля – у с. Кушниця Хустського района. Книжку сьме представили кушничанам 16. мая у міснӯв ошколї, Кушницькому ліцейови Керецькӯвської територіалної громады.
Прийшло повно народу, набрала ся цїла актова зала школы. У резултатї за на презентації ся розыйшов 31 примірник, што, аж чесно, даже мало бӯлше, ги сьме чекали!
Бігом презентації нам ся дало зобрати 15,550 грн готовых гроший у спеціалну опломбовану шкоробыню «Руху підтримки закарпатських військових», котру нынї, 19. мая, представителї «Руху» сяточно удкрыли тай поличили донаты удну.
15,550 ₴
у шкоробыни за презентацію книгы «Інтерфийса: Убрані статї 2024» у Кушници
Кушницькі виды
Не перестаєме вам дяковати за вашу пӯдпору тай інтерес ид нашому дїлу!
Коментарї () • Правила коментованя