Най зачне діскузія

Давно сьме вас не радовали інтерфийсныма нововведенями — пора тоту хыбу справити.

Уєдно из мало обновленым дізайном презентуєме вам нововведеня… Може уже сьте ся и догадали, што такого нового теперь мож найти на Інтерфийсї? Айно, коментарї!

Сперед сим сьме хосновали капчу из Telegram, котра чинила чат нашого каналу у тому месенджерови такой коментарями на нашому сайтови. Хоть тото у чомусь было добрі, бо мало легку технічну інтеґрацію, тай не мусай вам ся было реґістровати на сайтови (аж маєте акаунт у Telegram), айбо в тот самый час тото было и лімітаційов каждому, у кого такого акаунта ниє.

Мы у Інтерфийсї не маєме дяку обмежовати вас тай давати преференцію даякӯв соціалнӯв сїтї перед другов. Бӯлше того, не рахуєме, ож вартує ся помного сполїгати на хоть-яку велику корпорацію: ани на Telegram, ани на Facebook ци дашто щи. Хочеме, обы основным містом про дізкусію за нашу тематику быв ипен наш сайт, а не чужі платформы.

Теперь, честовані читачі, маєте можнӯсть коментовати наші статї такой туй, на сайтови, без потребы хосновати акаунты из чужых платформ. На коментованя вам доста ся зареєстровати на Інтерфийсї — про вто треба лиш указати імейл тай пӯдтвердити го через удкликованя, котроє вам прийде на пощу.

Кой ся прикапчуєте ид дискусії у коментарьох, просиме вас прочитати тай держати ся Правил коментованя.

Правила коментованя

Туй сут правила, котрых треба ся держати при коментованьови публікацій Інтерфийсы. Хоть ися збирька правил головно задумана про коментарьову секцію на сайтови Інтерфийсы, они сут платні ай про коментованя публікацій у нашых соціалных сїткох. Правила 1. У хотьякӯв бисїдї у коментарьох Інтерфийсы має быти честованя — йсе закладный камінь про културну

ІнтерфийсаПетро

Дякуєме, ож нас читаєте! Будеме раді заприказовати з вами.