NASA кажут, ож побируєме удразити даже астероїд

Може тямите, ож минулого Сектембра NASA розбили єден свӯй зонд у астероїд? Ґрупа изглядоветелюв, из головом Джонсом Гопкінсом, опубликовала папірь из резултатами по місії DART (Double Asteroid Redirection Test), де ся розказує, ож тота місія была не на сміх. Місія указала ож мы можеме удбивати астероїды, котрі летят у бӯк Земли.

У середу вже и самі NASA розказали бӯлше за выслїдкы тої місії у свому блоґови, де высвітлили исю техніку кінетічного влива, за котру по-фіґлярськы писав Алай Рай ги «техніка упаріздити єдным дарабом другый». Но сесе направду ефектівный метод усокотити нашу планету выд астероїда.

26. Сектембра місія удхылила орбіту астероїда Діморфоса на 33 мінуты, гикой розказує ся у изглядованьови. Апарат DART шпурив дарабами астероїда у другый астероїд, у спеціфічноє місто. Сила удара указала ся май ефектівна на зміну траєкторії, гикой ся думало.

Дописовачі другого научного изглядованя кажут, ож сяка методика буде ефектівна на ушыткі астероїды діаметром до кілометра. Мож йих буде без проблем удхылити. Но уважувут, ож людствови треба дуже навпереда знати за астероїд, котрый треба буде удхыляти. В ідеалови бы треба знати за рокы ци даже декады, обы быв час приладити місію тай проличити трїбну траєкторію.

Хоть так, хоть сяк, а сесе дуже добра новина про людство, бо бизӯвні сьме, ож будеме годни ся удбити. Ачий цїлый жанр філмӯв научної фантастікы, де головнов катастрофов быв удар астероїда у планету, стане менш актуалным выд дниська. Но исї навыкы за збитя астероїда мусиме передати далшым колїнам люди, бо раз, у ближчоє стороча, ани єден великый астероїд у нас не мірит.

NASA’s DART mission proves it can save the planet from killer asteroids

The “kinetic impactor” technique used in NASA’s DART mission can save Earth.

The VergeUmar Shakir