Twitter може поволити політічну рекламу

У Twitter уповіли, ож байлувут розшырити асортімент політічної рекламы, котра буде поволена на платформі. Исе йде против рїшеня на заказ такої рекламы, котроє фунґовало вже дораз три рокы. Фірма, што нынї є у властности Ілона Маска, може стати банкротом, тай ачий глядат шансы заробити инак.

Кроме того Twitter мало полївит обмеженя на рекламы на спеціфічні подїї у ЗША. Фірма перечинит свою рекламну політіку у формат, котрый фунґує у штатох на телевізорови тай медіа.

Нагадаєме, ож політічна реклама была заказана у рокови 2019 спозад того, як соціалні сїтї были читаво крітіковані за тото, ож не мавут абсолутно ниякых інштрументӯв на защиту выд дезінформації. Тогды были читаво перечинені правила справованя рекламы на платформі.

«Так си гадаєме, ож увагу люди до політічної оповісткы треба заслужити, єї не мож просто купити» – уповів тогды Джек Дорсі, тогочасный діректор Twitter

З момента, як Ілон Маск купив сїть у Октовброви минулого рока, з платформы утїкли многі рекламодавачі. Изкапчано сесе из многыми конкретными кроками нового ґазды: вышмареня вон тисяч робӯтникӯв, розблокованя акавнта Доналда Трампа, переміны у функції веріфікації акавнтӯв, тай многоє другоє.

Жерело:

Twitter дозволить політичну рекламу — у 2019 році її було заборонено на тлі дезінформації про вибори - ITC.ua

Twitter повідомляє, що має намір розширити асортимент політичної реклами, дозволеної на платформі. Це суперечить глобальній забороні на політичну рекламу,

ITC.uaАндрій Русанов