У кітайськых судах буде робити штучный інтелект

Сякый крок обяснили потребов уменьшати число людськых хыб у роботї судӯв КНР.

Выдтипирь штучный інтелект має доста важну ролу у кітайськӯй судовӯй сістемі: судї мусят ся радити з ним у каждому дїлї, а кидь они выдвирьгавут рекомендації штучного інтелекта, та мавут письмово обяснити чом сут несогласні из машинов.

Кроме того, сись штучный інтелект пӯдкапчали ид поліцайськым базам податкӯв тай знамӯй кітайськӯй сістемі «соціалного кредіта» — сяк машина годна, приміром, автоматично выкласти на продаж пожыткы крадача авадь заблоковати чилядникови, котрый не оплатив штраф, можнӯсть куповати .

Поку властї КНР прославлявут нову сістему ги «значный внесок у розвӯй права у людськӯй цівілізації», крітикы ги Джан Лінхан — професорка права из Кітайського універзітета політолоґії тай права — варувут, ож надїленя штучного інтелекта сяков властьов над чилядьов годно вытворити нам світ, де чилядником буде управляти машина.

«Сяк, кым май дале, тым май силно залежачи уд технолоґій, чилядь поступово стратит слобӯдну волю», — пише Лінхан у своюв недавно опубликованӯй онлайн статї.

Chinese courts allow AI to overrule judges and draft new laws

Beijing believes the ‘smart court’ AI - which also has the power to charge and punish people - will make justice fairer, but critics say it creates a world in which man is ruled by machine.

Daily MailChris Pleasance