У YouTube буквално масштабный редізайн
Бисїда не лиш за косметичні переміны, айбо и за практичні функції — у тӯм числї масштабованьови відий!
Напервоє, темна тема у вебови, мобілных аплікаційох тай на розумных телевізорох стала май чорнов, хоть и не ипен AMOLED-овов. Кроме того, єдным из новоуведень став «атмосферный режім», котрый фарбит позадину у цвіт позераного відеа. Функція приступна у вебови тай на мобілкох, у темнӯй темі.
Кроме того, горї годни сьте замітити, ож на екранови позераня відеа зміны доткнули ся щий розміщеня ушелиякых ґомбичок: уднушнї удкликованя у описови відеа будут ставати ґомбами, а часті дїйства гикой «лайканя», «пошыреня», «стирьханя» учинили май компактными. Ґомбиця «Пудписати ся» стратила свӯй черленый цвіт, айбо стала многым май контрастнов.
Переробили ай плейлістовый екран. На ньому типирькы мож буде увидїти бӯлше барв тай детайлӯв за каждый ваш плейліст.
Типирькы у мобілных аплікаційох відеогостінґа мож слобӯдно масштабовати відео у любому містї, а не лиш переключати ся межи заповненьом екрана образчиком («fit to screen») тай уміщеньом ушыткого образчика на екранови («original»).
А про тых, тко позерат рӯзні туторіалы тай часто перемотує, обы розникати єден конкретный момент, учинили «точноє перемотованя» — оно буде указовати стоп-кадры, обысьте могли перемотати ипен на тот момент, котрый вам трїбен.
Nate Koechley
Коментарї () • Правила коментованя