YouTube зачинат бороти ся из хосновачами, котрі блокувут рекламу

Ачий сьте не раз чули за додаток AdBlock? Сесь плагін и його аналоґы трібні на повноє блокованя рекламы, з яков ся стрїчат хосновач у вебови. Типирь сякі програмы сут доста популарні про многых люди, айбо дуже заважавут сайтам и сервісам, котрі жиют з указованя рекламы, бо фактічно удбиравут у них пінязі.

Гварькы за тото, ож YouTube хоче дашто из сим учинити, сут уже доста давно. Айбо типирь знаєме, ож сяка "функція перестереженя" по правді уведена.

На YouTube типирька дїє невелика ґлобална експерімента, обы удвести позирачӯв уд блокованя рекламы на йих сервісови. Каждый, у кого система зафіксує актівный рестріктор рекламы, получит сякоє ознаменя:

"Вы видав хоснуєте рестріктор рекламы. Одиграня відео буде зоперто, доку не впишете YouTube до исписа слобудных сайтӯв на указованя рекламы, авадь доку рестріктор рекламы не буде выключеный", – сяк написано у ознаменьови

Компанія YouTube наголошує, што реклама дає юй возмогу убставати ся бесплатнов, а тым, кому ся реклама не любит, предложила купити статус Premium, котрый вас домак збавит уд рекламы. Кидь хосновач продовжит блоковати у себе рекламу, йому ограничат доступ до відео сервісу. Які будут наслїдкы сякого рїшеня можеме позерати у прямому етерови.

Жерело