20 рокӯв Steam
Сяточный розпродаж, ретроспектива тай задарьні сувеніры у Steam Points Shop.
20 рокӯв типирь, 12. септембра 2003, компанія Valve запустила продукт, котрый без перебӯлшиня навхтема поміняв ґеймінґ — свӯй ціфровый бовт Steam. Вӯн посправдї учинив револуцію: ипен вдяку Steam розробникы могли ся удказати уд «патчув» тай перейти на автоматичні обновлїня через інтернет, указовати світови тай выдавати свої інді-проєкты, а бавлячі дӯстали легкый спосӯб куповати «тайтлы» у інтернетови, класти си моды тай бавити онлайн. Онь дотипирь Steam ся обстає майпопуларным ціфровым бовтом на бавкы: у його вітринах бӯлш ги 50 000 бавок, бӯлш ги 120 000 000 активных хосновачӯв каждый місяць тай за податками подакотрых жерел выд 50% до 70% ушыткых тирьхань бавок на ПК має ипен платформа Valve.
У честь уродин свої уже домак дорослої дїтины, компанія розказала на окремӯв сторӯнцї історію Steam, указали знамі бавкы, выпущені каждый рӯк, тай приправили тоту хронолоґію інтересныма фактами за то, што было популарно каждый рӯк жывота йихнього бовта. Крӯм того, на подакотрі бавкы, котрі мож назвати ветеранами Steam, дали скидкы, а у Steam Points Shop мож задарь забрати анімовану профіловку, дві позадины на ваш профіл тай 3 анімовані налїпкы про Steam Friends & Chat.
