Ampere Altra Max Q8030 – 80-ядерный ARM процесор убыгнав AMD Threadripper

Знамый ентузіаста тай оверклокер, Der8auer, потестовав процесор Ampere Altra Max Q8030 на референснӯв платформі материньскої платы, на сокетови LGA4926, котрый є май великый, чим LGA4096 што ся хоснує AMD Threadripper процесорами.

Што дотулят ся продуковности, Der8auer хосновав тест Geekbench 5, котрый робив на платформі Linux. При простоёви процесор брав пиля 30-40Вт. Наладовувучи Linux, видиме ож потребленя уросло до 95-100Вт при сериднюв температурі пиля 50°С (Позур! Сесе ся каже за жывленя для вшыткых компонентув а не лем для процесора). При прогонови у Geekbench 5 у єднопоточному режімови процесор брав уд 100Вт до 105Вт при температурі пиля 50-55°С, а у многоядерному, при якому фунґовали вшыткі 80 ядер, было онь 310Вт, а температура доходила од 70°С.

Самі резултаты у бенчмаркови такі:

• Ampere Altra Max Q8030 у Geekbench 5 у єдноядерному тестови набрав 882 балла, у многоядерному 44,425 балув;
• AMD Ryzen Threadripper 3990X из 64 ядрами Zen 2 має світовый рекорд у 34,735 балув у тому же многоядерному тестови.

Што значит, ож АRМ процесор быв як мінімум на 28% шіковнішый. При тому сам процесор потребляв у два раза менше енерґії чим Threadripper.

Накониць, видиме ож процесор Ampere Altra Max Q8030 має цину на основі TIM а розмір крістала 573,75 мм² (22,5 х 25,5), што мало булше чим у май старых Intel Skylake-X, розмір кутрого пиля 480 мм², айбо там и ядер май менше.

Сесе у цїлому была добра демонстрація процесора на ARM, хоть на днись спектр хоснованя такых процесорӯв буде доста обмеженым, а продукты уд Intel тай AMD фунґувут из інструкціями x86 архітектуры.

Жерело:

Ampere Altra Max Q8030 80 Core Arm CPU Delidded & Benchmarked, Beats Fastest AMD Threadripper In Geekbench

Ampere’s Altra Max CPU with 80 Arm v8 Neoverse cores has been delidded and tested, beating AMD’s fastest Threadripper CPU.

WccftechHassan Mujtaba