Apple поволит іншталовати проґрамы из чужых бовтӯв аплікацій у ЕУ
До типирь на «яблыко» сьте годни были класти лишек аплікації из офіціалного бовта App Store.
Фірма мусїла сяк учинити спозад нового закона, пудписаного Европськов Унійов, што ся дотыкат баданя против монополізації технолоґічных ґіґантӯв. Папірь быв пӯдписаный у сектемброви сього року тай зачне фунґовати из рока 2024.
Раз чекаєме ож фірма Apple высуне ай свої вымогы до тых вонковых бовтӯв з аплікаціями, но деталї раз не знаєме.
Межи инчым закон щи силує фірму поволити удаляти аплікації, які уже были заводом установлені у направі, тай міняти мовчані штімованя.
Нагадаєме си, ож уєдно из тым законом фірму посиловали класти порт USB Type-C у свої направы, што ся будут продавати у ЕУ.
Кроме того закон силує фірму Apple (тай не лем) зняти контролу из сістем через котрі мож платити у аплікаційох, моментално «яблыко» поволят вам платити в аплікаційох лиш крӯзі йихнї сервісы. Значит розробникы аплікацій на платформу iOS будут годни пудключати ай алтернатівні методы оплаты.
Раз исї зміны ся дотыкавут сугубо направ, што ся будут продавати у державах Европської Унії. Но подобноє ся може стати ай у другых державах, кидь они пӯдпишут такі законы.
Жерело:
Станіслав Троянов
