Бавкы уд Blizzard Entertainment будут у Steam
10. авґуста Overwatch 2 ся появит у ціфровому бовтї Valve.
За йсе ся написало у офіціалному блоґови Inside Blizzard, де обявили, ож першов бавков, котра буде приступна у Steam, стане Overwatch 2 — єї тамкы уже мож дати си у испис жаданого, айбо забавити ї мож буде лиш 10. авґуста.
У компанії уповіли, ож у майпопуларному ціфровому дістрібуторови появлят ся ай другі бавкы Blizzard, айбо не уточнили ни котрі конкретно, ни коли тото ся стане. Айбо уточнили, ож нико не лишат Battle.net — ун буде ай дале ся пӯддержовати компанійов.
На днишньый динь Battle.net є главным містом, де мож забавити у бавкы Blizzard ги Diablo 4, Diablo III Resurrected, World of Warcraft тай другі. Окремі тайтлы сут приступні у бовтови GOG: Warcraft тай Warcraft II, оріґінална Diablo.
Майк Ібарра, презідент Blizzard Entertainment, у Twitter на звіданя «Ци буде Overwatch 2 ходити напряму через Steam, ци Steam-верзія буде лиш пущати Battle.net тай выдтам брати бавку?» выдповів, ож Overwatch 2 буде ходити напряму через Steam.
Directly through Steam.
— Mike Ybarra (@Qwik) July 19, 2023
Diablo IV
