Google Docs будут мати емоджі, натівно

Щи лиш пару місяцюв назад фірма Google презентовала можнӯсть реаґовати емоджійом на дарабы тексту у документох, подобно тому, як можете лишати до текста коментарї. Уже днись можете не лем реаґовати, но ай додавати емоджі нараз у текст, хоснувучи доста просту куртанку — інформує нас фірма Google. Бӯлше не мусите копіровати емоджії из другых міст.

Направду буде аж дакӯлко методӯв додавати емоджі, испис котрых найдете у документови туй. Майлегко буде просто увести @[имня емоджія], авадь написати «@emoji» – та выскочит вам оболочок из вшыткыма емоджіками, гикой тото фунґує у месенджерох тай мобілных направах.

Майшіковно, майбыстро, буде якраз написати @[имня емоджія], но тото бы требало тямити як ся кличут по-анґліцькы тоты ушыткі емоджії. Кидь просто уведете завитяк (@) та мовчано вам раз выскочит преповно другых функцій, авадь понука позначити у документови колеґу.

У Google кажут, ож исе функція зачне фунґовати потихы у хосновачӯв усягды по світу, тай буде доступна ушыткым до кӯнця сектембра.

Жерело:

Google’s making it easier to add emoji in Docs

No more copying and pasting them from elsewhere.

The VergeMitchell Clark