Джеймс Ерл Джонс бӯлш не буде озвучовати Дарта Вейдера — за тото ся узяв штучный інтелект

91-рӯчный актор, котрый почти 40 рокӯв быв голосом антаґоніста «Звіздных войн», выддав архівні записы студії Respeecher. Они роблят над сінтезаційов голоса май молодого Джеймса Ерла Джонса, беручи податкы из тых старых записӯв тай хоснувучи штучный інтелект.

Respeecher — украйинськый стартап, котрый уже кооперовав из Lucasfilm: голос молодого Лука Скайвокера из «Книгы Боба Фета», голос Дарта Вейдера из «Обі-Вана Кенобі» ото йихня робота.

Кой 24. фебруара зачала ся повномасштабна інвазія Росії, Respeecher спішили кӯнчити роботу над проєктом тай загнати ї у Skywalker Sound у Сївернӯй Каліфорнії.

Джеймс Ерл Джонс первый раз озвучив култового персонажа у 1977. рокови, у оріґіналных «Звіздных войнах», айбо на екранї у иппен такӯй култовӯй чорнӯй масцї ся появив Девід Правз. Дотипирь у Дарта Вейдера фурт быв лиш голос Джонса. Родина актора проінформовала команду Lucasfilm, ож они сут доволні тым, якым выйшов сінтетичный голос Джеймса Ерла Джонса у «Обі-Вані Кенобі».

James Earl Jones Steps Back From Voicing Darth Vader, Signs Off on Using Archived Recordings to Recreate Voice With A.I.

James Earl Jones, who has voiced Darth Vader for nearly 50 years of “Star Wars” films, seems to be stepping away from the role. According to Vanity Fair, the 91-year-old actor has signe…

VarietyBreAnna Bell