Netflix загнали свӯй послїдньый DVD

10. марця 1998 Netflix доставили свӯй першый DVD-діск, «Бітлджус» (Beetlejuice, 1988) Тіма Бертона, тай из того часу уросли у майвеликый відеострімінґовый сервіс, котрый ся занимат не лиш діштрібуційов кін тай серіалув ид свойим 220 міліонам платных абонентӯв, айбо из 2013. рока ще и успішно продукує оріґіналный контент, котрый часто дӯстає рӯзні нагороды тай премії. Оріґіналных тайтлӯв стрімінґ має бӯлш ги 3,500. Уже у апрілови 1998 сервіс мав свӯй вебсайт. Зачинавучи из 2021, Netflix такой выпущат мобілні бавкы — йих на платформі є уже бӯлш ги 70 штук.

29. септембра 2023 Netflix загнали послідньый DVD-діск — за 25 рокӯв они устигли доставити 40 міліонам абонентӯв бӯлш ги 5.2 міліардӯв діскӯв! Майпопуларным кіном на сьому носительови ся оказала америцька спортивна драма «Невидимый бӯк» (The Blind Side, 2009).

Компанія уже закрыла сайт DVD.com тай подяковала усьым, тко хосновав йихньый DVD-сервіс, а щи ся подїлила інтереснов статістиков, котру даєме долӯв.

Жерело: Netflix