Парламент Европської Унії рішив учинити USB-C єдиным тіпом зарядкы

Штандартом стане USB Type-C. «За» проголосовала бӯлшина депутатӯв европського парламента. Сись закон типирь будут імплементовати у свойих юрісдікційох державы-члены Унії. Чекає ся, ож тото читаво упростит торгові удношіня удну ЕУ тай поможе хосновачам. Выддїлно ся пӯдмічат еколоґічный фактор: сяка уніфікація годна помочи уменьшити каждорӯчный обсяг засмічованя на 11.000 тон, як пӯдраховали експерты Европської комісії.

USB-C будут мусїти давати у:

• смартфоны;
• таблеты;
• камеры;
• наушникы;
• портативні колонкы;
• портативні игрові конзолы.

Фірмам дали час до 2024. рока, обы перейти на штандарт у свойих новых смартфонох. Про новтбукы тот термін май довгый — до 2026. рока.

Тай нїт, про компанію Apple нитко уйимкы чинити не буде. Йим понукавут переходити у Европі на Type-C. Представителї техноґіґанта межи тым рахувут, ож выдказ выд гнїзда Lightning спомалит технолоґічный розвӯй, а не ускорит го, тай нашкодит клієнтам. При тӯм подакотрі девайсы компанії, такі ги iPad Pro тай MacBook, уже хоснувут USB-C.

EU rules to force USB-C chargers for all phones

Manufacturers could be forced to change devices to a uniform charging system.

BBC NewsCristina Criddle