Пудписано до друку
Фізична збирька майлїпшых публикацій Інтерфийсы ужек чекат друк у выдавництвови. Устигнїт забештеловати си дараб!
Айно, минув уже скоро гӯд, як сьме анонсовали, ож ладиме до друку збирьку из майінтересными публикаціями нашого проєкту у форматови невеликої книгы. Доста довго сьме не голосили за проґрес, бо мали сьме преповно уднушньої роботы над тым, котра йшла гет не так, як ся думало.
Но не бӯйте ся, не забыли сьме за тото, робота над фізичным выданьом помалы крочила дале. Ужек минулого тыждня дӯстали сьме пудтверджіня уд выдавництва: макет є одобреный, чекаєме лиш на сам фізичный друк.
Як дӯстати фізичну збирьку?
Зарезервовати собі дараб можете за формов, котру найдете але туй пониже:
Як платити?
Дорадили сьме ся так, ож книгу дӯстанете в замін за добровольный донат фондам, што помагавут ЗСУ авадь реабілітації воякӯв. Побируєте за єден раз учинити два добрых дїла: помочи боронити домӯвство карпатськых русинӯв, тай провкажете інтерес у публикаціях Інтерфийсы.
Што там удну доброго?
Нагадуєме, ож у папірьову збирьку зайдут не лиш майлїпші публикації и назоры проєкта за перші рокы фунґованя, но и пару ексклузівных матеріалӯв, котрі ся щи ниґде сперед сим не публиковали.
Коментарї () • Правила коментованя