Rhythm Nation — пісня, выд котрої ся ламали ноутбукы
Модерным компютерам она (майскорі) не нашкодит.
Розробник из Microsoft, автор блоґа The Old New Thing Реймонд Чен розказав інтересну історію за ноутбукы епохы Windows XP: оказує ся, портативні компютеры того часу ся ламали выд… пісни Джанет Джексон.
Товды за вто узнали в уднушнюй лабораторії єдного знамого выробника ноутбукӯв: так ся выяснило, ож кидь запустити на ноутбукови кліп на пісню Janet Jackson – Rhythm Nation, вӯн нагло перестане робити. Пак ся оказало, ож Кліп Джанет Джексон ламав не лиш продукцію иппен того выробника, айбо и ноутбукы конкурентӯв. А майчудным выдкрытьом стало то, ож зачинали гамовати тай ламати ся даже тоты ноутбукы, котрі просто стояли попиля того, на котрому йграла музика.
Причина оказала ся доста простов: у «Rhythm Nation» сут звукы на частотї, резонантнӯв про 5400-оборотні нагромадникы, котрі ся клали у тоты ноутбукы, діскы выд того ся ламали, а з нима переставали фунґовати ай самі компютеры.
Выробник тоту проблему рїшив тоже доста просто, додавши на сякі припады у авдіо-«дрыва» філтер, котрый находив трїбні частоты тай заберав йих гет.
Raymond Chen
