Rozetka запустила проґрам мінянкы старых смартфонӯв ай планшетӯв на цертіфікаты
Добрый спосӯб знебыти ся старого, ай дашто за тото дӯстати.
Украйинськый інтернет-бовт Rozetka запустив властный «трейд ін» пӯд назвов «Rozetka Мінянка» — ритейлер зачав приймовати старі планшеты, смартфоны ай смартгодинкы на выміну на цертіфікат номіналом на суму остатку цїны ґаджета.
Хосновану техніку мож приносити ид майблизкому пункту прийому RozetkaМінянка у пунктї выдачі вадь бовтї (испискы ай адреса спӯдручні на веб-сторӯнцї). Мештер на містови выпровадит діаґностику, оцїнит став направы ай выдаст цертіфікат на удповідну суму, котрый пак мож выхосновати на купованя всякых товарӯв из зазначков «Бовташ Rozetka» (кроме алкоголю, догановых выробкӯв ай дарунковых цертіфікатӯв).
Кроме старого смартфона, планшета вадь смартгодинкы, котрый пӯдлїгат вымінї для составлиня акта приятя-переданя пиля ся трібно мати особный документ.
У сись момент у проґрамі участвувуть:
- смартфоны — Apple, Samsung, Huawei, Xiaomi ай иншакі бренды;
- планшеты — Samsung, IPad Apple, Lenovo ай иншакі бренды;
- смартгодинкы— Apple, Samsung.
Ци довжно лишный раз припоминати, што мусай навперед приладити направу — перенести персоналну інформацію ай контент на новтбук вадь компютер, пак удалити ю з направы, выйти з вшиткых свойих акаунтӯв ай учинити очистку ид заводськым штімованьом. Помочи з сим вшыткым годен фахман у бовті, айбо на исе пӯйде бӯльше часу.
На веб-сторонцї такой є онлайн-калкулачка, котра позволят навперед оцїнити свӯй ґаджет. Она провказує максімалну суму – при ідеалному ставі направы. Иншакыми словами, кым май читаво посуканый корпус/екран ай исхоснована батерка, тым май менша кунцьова цїна.
Сякых проґрамӯв выміны, котрі сут добров алтернатівов продаваня направы на второрядному торгови, робит ся май бӯлш тай сесе дуже добра тенденція.
Жерело:
Володимир Скрипін
Коментарї () • Правила коментованя