У Нідерландох арештовали пӯдозреного у роботї над Tornado Cash розробника
Тримле ся, ож кріптовалутный міксінґовый сервіс Tornado Cash ся хосновав на удмываня пінязюв.
Служба фіскалных відомости а розслїдовань (Fiscale inlichtingen- en opsporingsdienst, FIOD) написала за арешт 29-рӯчного чоловіка у Амстердамі — його пӯдозрювут у роботї над міксінґовым кріптосервісом Tornado Cash, котрый ся хосновав на прятаня незаконных фінансовых потокӯв тай удмываня пінязюв.
Сам сервіс позіціоновав ся ги утіліта про анонімнӯсть у кріптотранзакційох: Tornado Cash давав хосновачам можнӯсть спрятати походжіня кріптовалуты. Позад того ним ся дуже «заінтересовали» нараз дакӯлко держав — тай уже 8. авґуста 2022 Tornado Cash внесли у санкційный испис США, GitHub-акаунты розробникӯв тай тых, тко чинив свої внескы у код, заблоковали, а подакотрі сервісы, з котрыма кооперовав міксінґовый сервіс, выдрекли ся выд нього.
Here's the list of Tornado Cash resources that were banned
— 🌪️ Tornado.cash 🌪️ (@TornadoCash) August 9, 2022
- Tornado Cash @GitHub organization
- personal @GitHub accounts of TC contributors
- all $USDC on Tornado Cash contracts @circlepay
- @infura_io RPC
- @AlchemyPlatform RPC
- https://t.co/SHvgEjTOMV domain @eth_limo
FIOD скапчує дїятелнӯсть Tornado Cash из масштабными махінаціями удмываня крімінално добытых пінязюв — приміром, украденых через ушелиякі кріптообманы авадь зламы. Єдным из бенефіціарӯв назвали асоційовану из Сївернов Корейов гекерську ґрупу.
Уряд Нідерландӯв серіозно ся удносит ид сякым злочинам — ги ся пише на сайтї FIOD, борьба против удмываня пінязюв є пріорітетом позад того, ож она помагат ся бороти из ушыткыма другыма видами злочинности.
Коментарї () • Правила коментованя