В Украйинї заблоковали linktr.ee

Чим сись сервіс домак добрый? Linktr.ee поволят создавачам контента изкапчовати у єдну сторӯнку цїлый шор шелиякых удкликовань на рӯзні платформы, де сьте актівні. Ися матарґа є дуже популярна тай хосновита помежи создавачами контента. Руно спозад того, ож бӯлшина соціалных сїтюв дає вам шансу прикапчати лиш єдно удкликованя у профіл, linktr.ee поволяв вам изкапчати у єден мотуз дакӯлко удкликовань на усї профілї у соціалных сїтьох, котрі вам треба, тай дати єдным шориком.

Причинов блокованя уведено, зкурта, «воєнний стан», што є дуже аморфнов, не конкретнов причинов. Сяк знаєме, ож закладателї проєкта не росіяне, linktr.ee быв созданый трьома австралійцями у рокови 2016.

Блокованя сервіса мало бы ся удбывати силами провайдерӯв інтернета, хоть на момент написаня публикації сервіс є приступный автору текста.