WordPress тай Tumblr продадут ваші податкы

Анонімноє жерело, на якоє ся удкликує звіт 404Media, каже, ож догода уже майже готова, тай акт продажі буде. За таку можнӯсть говорило ся давно, но днись маєме бӯлше пудтверджінь того, ож фірмы направду сут на фінішному етапови догоджованя.

Гикой ся пише у звітови 404Media, Tumblr дӯстане новый пункт у штімованьох, де хосновачі будут годни поволити «брати податкы из публикацій на научованя ШІ». Айбо при тӯм у звітови є цітата, яка натручує нас на думку, ож Automattic уже узяли выборку даных из Tumblr 2013–2023 годӯв, тай ож у тоту выборку могли трафити податкы, котрі не были публичні. Раз не знаєме што ипен з тов базов ся чинило, тай які ипен податкы из ниї будут передані OpenAI тай Midjourney.

Фірмы OpenAI тай Midjorney раз нич не удказали на прошіня журналістӯв, а Automattic удкликує ся на свою публикацію из вӯторка, де розказувут за «сокочіня хосновачӯв тай йих выбора».

«Мы раз мовчано блокуєме основні скенеры платформ штучного інтелекта уд майвеликых компаній тай убновляєме тот испис кой ся появлявут нові. Будеме про них удперати доступ лишек публичної інформації на WordPress.com и Tumbler выд хосновачӯв сайтӯв, котрі не указали у штімованьох, ож тото ся йим не бажит», — кажут в публикації Automattic.

Гикой знаєме, сесе не первый трафунок купованя хосновачськых податкӯв великыми фірмами. Сперед сим ужек Reddit продали базу фірмі Google, а Shutterstock — фірмі OpenAI.

Tumblr’s owner is striking deals with OpenAI and Midjourney for training data, says report

It’s been rumored on Tumblr for days.

The Verge