YouTube блокує хосновачӯв из AdBlock
Сперед сим ся блокованя лишек тестовало про малу ґрупу хосновачӯв, а типирь буде фунґовати ґлобално.
Гикой писали сьме аддека, YouTube буде выдслїдкововати хосновачӯв из установленым бравзерным розшыреньом AdBlock (тай аналоґы) и не буде давати позирати бӯлше трьох відео за шором. За минулі пару тыжднюв многым бӯлше хосновачӯв AdBlock розказали, ож запримітили исе обновліня у свому бравзері — YouTube не дає побзерати бӯлше трьох відео за шором и указує вам варованя.
Цїль такого крока, гикой розказали у Google, у тому обы потручати люди авадь поволити указованя рекламы, авадь купити YouTube Premium.
У YouTube кажут, ож хоснованя блоковачӯв рекламы йде прекы условіям хоснованя йих проґрамного продукта. Уєдно з тым, YouTube презентовали читаво змін у самых рекламах сього рока: у апрільови сього рока были презентовані 30-секундні рекламні відеа на телевізорах, котрі не мож пропустити, тай зачали експеріментовати из менш частыми, но май довгыма рекламныма паузами.
Хоть є очевидным, ож YouTube тручавут хосновачӯв переходити на Premium, айбо самі такой недавно ліквідовали майдешевый таріф — Premium Lite.
Надале хосновачі верли ся глядати блоковачі рекламы, котрі щи фунґувут, тай инчакі убходні варіанты. За послїднї пару тыжднюв появило ся много новых бравзерных розшырень такого тіпа. Не усї из них єднако ефектівно фунґувут. Уєдно из тым было чути, ож YouTube знає тріґеровати блокованя відеа даже спозад даякых другых бравзерных розшырень, котрі ся алґорітмом рахувут уєдно из блоковачами рекламы, даже кидь не сут такыма.
Youtube recently started blocking the video player if ad blocker is installed. Here's a way to get past it:
— Shanjai raj (@shanjai_raj) October 9, 2023
GET PAST YOUTUBE BLOCKING ADBLOCKERS 🤩
If you want to get past that:
1. Click on share
2. Click on embed
3. Enjoy the video as usual!! 🎉🎉#youtube #youtubepremium pic.twitter.com/80ge5eufrJ
Хосновачі інтернета глядавут другі убходні варіанты
Андрій Русанов
