Честовані читачі!

Ися публикація не є новинков из світа технолоґій авадь інтернета, а скорше рефлексійов на тото, што сьме уже учинили, тай куды домак идеме.

Амбіційный зачаток

Коли у фебруарови рока 2021 публиковав им перві новинкы тай дрӯбні назоры, та видїв им сись проєкт не лиш як платформу, де буду шырити новостї из світа технолоґій по-русинськы, но щи и даякый практічный інструмент, через якый бы ся дало вытворити и спеціалізовану русинську лексіку на дакотру термінолоґію, котру маєме позычену из другых языкӯв, авадь зычиме ї такой дниська.

Rozetka запустила проґрам мінянкы старых смартфонӯв ай планшетӯв на цертіфікаты

Добрый спосӯб знебыти ся старого, ай дашто за тото дӯстати.

ІнтерфийсаІнтерфийса

Ися друга цїль не была аж така нереална, гикой ся може видїти, бо направду дало нам ся адаптовати немало слӯв, котрі найдете и туй, и там; тай не писали нам, ож «а што вто є?» — та значит слова ся розуміли, орґанічно ся уплїтали у текст.

Направду дуже амбіційнов была ипен провба шырити новинкы. Хоть первый гӯд-два тото ся щи даяк удавало, но чим дале, тым бӯлше было видко, ож авторам нїколи сидїти над сяков роботов, бо тото тяжкый ковпӯт, котрый має не дуже много інформаційної значимости у далекӯв перспективі. Новинка за выпуск нової моделі смартфона, котра лиш дрӯбльов є лїпша уд спередущого колїна тых направ, є релеватнов інформаційов дуже недовго, тай подаколи треба читаво прикласти сил, обы за тото опубликовати дашто скорше, гикой тото учинят новинкові порталы у другых языках.

Скурта — тяжко ся нам переганяти из май великыми комерційными проєктами, де чилядь тото робит якраз гикой роботу. А така новость ся забуде такой за два-три дны, тай є дуже мало шансӯв, ож буде щи даколи прочитана.

Google Docs будут мати емоджі, натівно

Головна новизна — ож многым легше їх буде давати у документ.

ІнтерфийсаМигаль

Мовчкы сьме ся дорадили, ож будеме крятати у другого бока.

Помалы тручаєме дале

Інтерфийса веде статістіку, обы знати, котрі статі збиравут май бӯлше прониковань тай удповідно май ся люблят вам, честованым читачам. Не тяжко у тӯв статістіцї уздрїти, ож наші назоры сут многым май популарні, гикой даякі новостї, тай люди йих идут читати и в місяцї по тому, як были опубликовані, што ся нечасто (дораз ниґды) не стає из новинками.

Назоры - Інтерфийса

Каждый має своє никаня, но тай мы ся не ганьбиме за нього уповісти.

ІнтерфийсаУд Мигаль

Пораз ся стає такоє, ож гостї заганявут нам статї-новинкы за дашто читаво інтересноє, што сьме раді пущати д вам. Айбо лично я (Мигаль), не бизуву ся фокусовати ся на новинках, а волїв бых робити над мало май маштабными назорами, інформаційна цїнӯсть котрых протягла бы ся май на дале гикой тыждинь-два. Ипен могли сьте запримітити, ож руно у сякӯм форматови Інтерфийса и фунґує послїдньый гӯд. Айбо так сьме си помирьковали, ож вартує вам за сесе уповісти мало май формално.

Што си думаєте за такый путь Інтерфийсы? Будеме раді почитати ваші коментарї, што вам ся май любило на платформі за исї годы?

Читайме, учім ся, держім ся у рокаши.

Мигаль Лыжечко